RREGULLORE E PERGJITHSHME

Shkarkoni Rregulloren e MPCSSHB ne format .PDF.

Objekti i kësaj rregulloreje është përcaktimi i rregullave dhe i detyrave të hollësishme të organizimit, funksionimit dhe marrëdhënieve ndërmjet niveleve të ndryshme të Ministrisë Punës, Çështjeve Sociale dhe Shanseve të Barabarta.
Gjithashtu kjo rregullore vendos rregulla mbi administrimin e dokumentacionit, rregullat e Etikes dhe procedura të tjera të menaxhimit.

Ministria e Punës, Çështjeve Sociale dhe Shanseve të Barabarta ka për mision zhvillimim, kordinimin dhe implementimin e një sistemi efektiv të punës, mbrojtjen shoqërore dhe shanseve të barabarta, në harmoni me standartet e Bashkimit Europian, nëpërmjet masave që synojnë:

Forcimin e stabilitetit të fuqisë punëtore duke rritur produktivitetin e punonjësve, zhvillimin e burimeve kombëtare njerëzore duke forcuar sektorin e trajnimit me qellim ngritjen e kompetencave të përgjithshme të fuqisë punëtore, rritjen e konkurencës së vendit nëpërmjet zotërimit të një fuqie punëtore efiçiente;
Sigurimin e shpërblimit të drejtë nga puna dhe përfitime të tjera lidhur me të, duke promovuar sigurinë e shoqërise si domosdoshmëri për zhvillimin e përgjithshëm socialekonomik, zhvillimin e forcimin e dialogut social si bazë e qëndrueshmërisë dhe zhvillimit ekonomik e social;
Përmirësimin e shërbimeve sociale për familjet në nevojë, të paaftët dhe të moshuarit,sigurimin dhe zhvillimin e kohezionit dhe përfshirjes sociale bazuar në ekonominë e tregut, zhvillimin, promovimin dhe fuqizimin e gruas në jeten politike, ekonomike e sociale.

Në përmbushje të detyrimeve ligjore dhe kushtetuese, Ministria e Punës Çështjeve Sociale dhe Shanseve të Barabarta, ka në kompetencë hartimin dhe ndjekjen e politikave, përgatitjen e akteve
ligjore dhe nënligjore si dhe ushtrimin e shërbimeve të nevojshme lidhur me:

punësimin dhe formimin profesional;
emigracionin dhe imigracionin e punës;
sigurinë dhe shëndetin në punë, nxitja dhe zhvillimi i dialogut social;
përkrahjen sociale si dhe nxitjen e zhvillimin e shërbimeve sociale rezidenciale dhe nivel komunitar, për individet dhe grupet në nevoje, parandalimin, rehabilitimin dhe integrimin e tyre në jetën shoqërore;
nxitjen e barazise gjinore dhe masat ndaj dhunës në familje;
zhvillimin e standarteve kryesore të sistemit të mbrojtjes sociale për rritjen e nivelit të përfitimeve, bashkërendimi i skemave të sigurimeve shoqërore me skemat e tjera të mbrojtjes sociale.

Struktura dhe Organika e Ministrisë së Punës Çështjeve Sociale dhe Shanseve të Barabarta, me propozim të Ministrit, miratohet me urdher të Kryeministrit.
Struktura është e ndërtuar sipas detyrave funksionale dhe përbëhet nga :
Funksionet politike