Lëshohet bazuar në nenin 37 tëLigjit “Për të Huajt”, nr.8492, datë 27.5.1999
Ku paraqitet kërkesa
- Zyra Rajonale dhe Vendore e Punësimit, kompetente për territorin është institucioni, ku paraqitet kërkesa, kur të vetëpunësuarit kanë qëndrim apo banim të ligjshëm në Republikën e Shqipërisë.
- Drejtoria e Politikave Migratore,(DPM) pranë ministrisë së Punës, Çështjeve Sociale dhe Shanseve të Barabarta (MPÇSSHB).
Karakteristikat e saj
- Leje pune e tipit F (për Studentë) u jepet personave të huaj që studiojnë në Shqipëri për vitin mësimor në vazhdim
- kjo leje pune jepet vetëm për orare pune të reduktuara gjatë vitit mësimor dhe me orare të plota pune gjatë pushimeve midis viteve akademike apo simestrave;
- kjo leje pune lëshohet për kohë të plotë pune dhe me afat tremujor, kur periudha e punësimit përkon me pushimet verore.
Dokumentacioni i kërkuar për lëshimin e “Lejes së Punës”, tipi “F”
- Formular tip, i cili jepet në organin kompetent, që lëshon lejen e punës.
- Dokument që vërteton regjistrimin e të huajit në një universitet shqiptar për vitin mësimor në vazhdim;
- Miratim nga fakulteti ku studjon studenti i huaj, që dëshmon së punësimi i këtij të fundit në një punë me rorar të reduktuar nuk do të ndikojë në mospërvetësimin e programit mësimor;
- regjistrimin si person juridik apo fizik të subjektit/punëdhënësit (që nga viti 2008 është i vlefshëm dokumenti/ekstrakti i Regjistrit Tregtar për të dhënat e subjektit “Shoqëri me Përgjegjësi të Kufizuar”, lëshuar nga Qendra Kombëtare e Regjistrimit, pranë ministrisë së Ekonomisë, Tregtisë dhe Energjitikës).
- Fotokopje e pasaportës të legalizuar dhe viza e hyrjes (datën e fundit të hyrjes në territorin e Republikës së Shqipërisë), ose Leja e vlefshme e Qëndrimit.
- Dokument të pjesëmarrjes në skemën e sigurimeve shoqërore.
- Raport mjeko ligjor. Ky raport mund të merret edhe nga institucionet shëndetësore të autorizuara nga shteti shqiptar, kur i huaji banon ligjërisht në Shqipëri.
- 5 copë fotografi.
|
