Leje pune te tipit “C” për raste të veçanta

Kërkesa dhe dokumentacioni per leje pune paraqitet në:

në zyrën përkatëse të punësimit, në territorin e së cilës punëdhënësi, pranë të cilit do të punësohet, ushtron veprimtarinë ekonomike, nëse është me qëndrim të ligjshëm në territorin e Republikës së Shqipërisë;
në Drejtorinë e Përgjithshme të Shërbimit Kombëtar të Punësimit, nëse punëdhënësi pranë të cilit do të punësohet, e ushtron veprimtarinë ekonomike në me shumë se një rajon gjeografik, nëse është me qëndrim të ligjshëm në territorin e Republikës së Shqipërisë;
pranë përfaqësisë diplomatike të Republikës së Shqipërisë, në vendin e tij të origjinës.

Kërkesa për t'u pajisur me leje pune, të tipit C, bëhet nga:

i huaji;
punëdhënësi, me të cilin i huaji ka një kontratë pune;
personi i autorizuar nga punëdhënësi;
përfaqësuesit e autoriteteve kompetente shtetërore, që marrin në mbrojtje kategoritë e përcaktuara në shkronjat “f” e “g” të nenit 60 të ligjit nr.9959, datë 17.7.2008 “Për të huajt”

Per leje pune te tipit C paraqitet dokumentacioni i mëposhtëm:

Kërkesën e të huajit, me të dhënat personale, sipas formatit, që i bashkëlidhet këtij vendimi;
Kopjen e kontratës individuale të punës, për kategoritë e përcaktuara në shkronjat “b”, “ç”, “d”, “dh” e “e” të pikës 1 të nenit 60 të ligjit nr.9959, datë 17.7.2008 “Për të huajt”;
Kopjen e pasaportës, për kategoritë e përcaktuara në shkronjat “a”, “b”, “ç”, “d”, “dh”, “e” e “ë” të pikës 1 të nenit 60, të ligjit nr.9959, datë 17.7.2008 “Për të huajt”;
Dokumentin e identifikimit (kartë refugjati), për kategorinë e përcaktuar në shkronjën “f” të nenit 60 të ligjit nr.9959, datë 17.7.2008 “Për të huajt”;
Pesë fotografi.

Për riperteritje te lejes se punes, të tipit C, paraqiten dokumentat e mëposhtme:

Kërkesën e të huajit, me të dhënat personale, sipas formatit, që i bashkëlidhet këtij vendimi;
Kopjen e kontratës së punës, nëse ka ndryshuar punëdhënësi;
Kopjen e pasaportës, për kategoritë e përcaktuara në shkronjat “a”, “b”, “ç”, “d”, “dh”, “e” e “ë” të pikës 1 të nenit 60 të ligjit nr.9959, datë 17.7.2008 “Për të huajt”;
Pesë fotografi.