|
Leje pune të tipit "A/S" për studentët |
 |
 |
Kërkesa dhe dokumentacioni per leje pune paraqitet ne:
- në zyrën përkatëse të punësimit, në territorin e së cilës punëdhënësi, pranë të cilit do të punësohet, ushtron veprimtarinë ekonomike, dhe nëse është me qëndrim të ligjshëm në territorin e Republikës së Shqipërisë;
- në Drejtorinë e Përgjithshme të Shërbimit Kombëtar të Punësimit, nëse punëdhënësi, pranë të cilit do të punësohet, e ushtron veprimtarinë ekonomike, në më shumë se një rajon gjeografik, dhe nëse është me qëndrim të ligjshëm në territorin e Republikës së Shqipërisë;
- pranë përfaqësisë diplomatike të Republikës së Shqipërisë, në vendin e tij të origjinës.
Kërkesa për t'u pajisur me leje pune, të tipit A/S, bëhet nga:
- i huaji;
- punëdhënësi, me të cilin i huaji ka një kontratë pune;
- personi i autorizuar nga punëdhënësi.
- Për herë të parë, ne kerkesen per leje pune, të tipit A/S, paraqiten dokumentat e mëposhtme:
- Kërkesa me të dhënat personale, sipas formatit, që i bashkëlidhur;
- Kontratën e rregullt të punës me një punëdhënës, me kohë të përcaktuar ose të pjesshme;
- Pëlqimin e institucionit arsimor, ku ai ndjek studimet, për kontratën e punës;
- Vërtetimin nga institucioni arsimor, ku ndjek studimet, se është student;
- Kopjen e lejes së qëndrimit;
- Kopjen e pasaportës;
- Pesë fotografi.
Per riperteritje te lejes se punes, te tipit A/S, paraqiten dokumentat e meposhteme:
- Kërkesën me të dhënat personale, sipas formatit, qe i bashkëlidhet këtij vendimi;
- Kontratën e rregullt të punës me një punëdhënës, me kohë të përcaktuar ose të pjesshme;
- Pëlqimin e institucionit, ku ai ndjek studimet;
- Vërtetimin nga institucioni arsimor, pranë të cilit ndjek studimet, për kryerjen me sukses të studimeve të vitit pararendës;
- Kopjen e pasaportës;
- Pesë fotografi.
|
