MEKANIZMI KOMBËTAR PËR BARAZINË GJINORE DHE DHUNËN NË FAMILJE

Drejtoria e Politikave për Shanset e Barabarta dhe Familjen dëshiron të bëjë të njohur një pjesë të aktivitetit të saj në funksion të përmbushjes së misionit të saj për hartimin dhe zhvillimin e politikave, legjislacionit si dhe zbatimit të programeve për nxitjen e barazisë gjinore në shoqëri, parandalimin dhe luftën kundër dhunës ndaj grave, përfshirë dhunën në familje, mbrojtjen nga diskriminimi për shkak të orientimit seksual si dhe mbrojtjen e të drejtave të fëmijëve në përputhje me situatën aktuale dhe detyrimet ndërkombëtare.

Qeveria e Republikës së Shqipërisë, e ka vendosur çështjen e barazisë gjinore në zemër të axhendës së saj, duke konsideruar se zhvillimi ekonomik e social i vendit nuk mund të kuptohet pa një trajtim dhe pa arritje konkrete sidomos në promovimin e çështjeve gjinore dhe bërjen e tyre pjesë e të gjitha politikave të zhvillimit të vendit.

Barazia gjinore është një e drejtë themelore qytetare, një vlerë e përbashkët e vendeve të Bashkimit Europian, e për këtë arsye një kusht i domosdoshëm për integrim dhe realizim të objektivave për punësimin dhe kohezionin social të MSA, të cilën Shqipëria ka Kliko per me teper...

AKTIVITETET

MEKANIZMI KOMBËTAR PËR BARAZINË GJINORE DHE DHUNËN NË FAMILJE

1 - Ministri që mbulon çështjet e barazisë dhe dhunës në familje -Autoriteti përgjegjës për zbatimin e ligjeve dhe të programeve shtetërore për çështjet gjinore dhe dhunës në familje është Ministri i Punës, Çështjeve Sociale dhe Shanseve të Barabarta.

Sipas Ligjit Nr. 9970 dt.24.07.2008 “Për Barazinë Gjinore në Shoqëri” organe të tjera përgjegjëse për mbarëvajtjen e çështjeve gjinore janë:

2 - Këshilli Kombëtar i Barazisë Gjinore i ngritur me Urdhër të Kryeministrit Nr.3 datë 8.1.2009 , i cili është organ këshillimor për politikat gjinore. Ky Këshill drejtohet nga Ministri që mbulon çështjet e barazisë gjinore dhe në përbërje ka 9 zëvendësministra dhe tre anëtarë përfaqësues të shoqërisë civile.

3 - Drejtoria e Politikave për Shanset e Barabarta dhe Familjen (DPSHBF)
Bazuar në Ligjin Nr. 9970 dt.24.07.2008 “Për barazi gjinore në shoqëri” dhe Ligjit Nr. 9669 dt. 18.12.2006 “Për masa ndaj dhunës në marrëdhëniet familjare” Ministri e kryen funksionin e mësipërm nëpërmjet sturkturës përgjegjëse që është, Drejtoria e Politikave për Shanset e Barabarta dhe Familjen e cila funksionon që prej vitit 2006. Misioni kryesor i saj është të nxisë barazinë gjinore dhe një pjesëmarrje të gjërë të gruas në jetën ekonomike, politike e kulturore të vendit si dhe formulimin dhe zhvillimin e politikave për parandalimin dhe reduktimin e dhunës në marrëdhëniet familjare, e në përgjithësi të dhunës me bazë gjinore.

DPSHBF përbëhet nga dy sektorë: Sektori i Barazisë Gjinore dhe Për Masat Ndaj Dhunës në Familje dhe Sektori Për të Drejtat dhe Mbrojtjen e Fëmijëve

4 - Institucionet përgjegjëse për zbatimin e SKBGJDHF. Përveç MPÇSSHB e cila luan rolin zbatues dhe koordinues për zbatimin e SKBGJDHF, institucione të tjera përgjegjëse në zbatim të Planit Kombëtar të Veprimit janë:
4.1 Instucionet në nivel qëndror :
Ministritë e linjës me institucionet vartëse të tyre:
Në të gjitha ministritë emërohen nëpunësit gjinorë si persona përgjegjës për çështjet gjinore.

4.2 Institucionet përgjegjëse në nivel vendor

Njësitë e pushtetit vendor
Nëpunësit vendorë për çështjet gjinore në nivel vendor

5 - Në nivel parlamentar, çështjet gjinore përfaqësohen nga Nënkomisioni për Minorenët dhe Shanset e Barabarta i cili funksionon brenda Komisionit Parlamentar të Shëndetësisë, Punës dhe Çështjeve Sociale.

6 - Struktura Përgjegjëse Monitoruese.
Monitorimi i SKBGJDHF po kryhet aktualisht nga Drejtoria e Politikave për Shanset e Barabarta dhe Familjen në MPÇSSHB.

LINKE TE TJERA

KOMBET E BASHKUARA
KËSHILLI I EVROPËS
KOMISIONI EVROPIAN
MEKANIZMA NDERKOMBËTARE

POLITIKA KOMBËTARE

DOKUMENTAT POLITIKE KOMBËTARE PËR BARAZI GJINORE DHE DHUNËN NË FAMILJE
Strategjia Kombtare per Barazi Gjinore dhe Dhunen ne Familje

Dokumentat POLITIKE kombËtare pËr BGJ/DHF

Search

Numri i Vizitorëve

	Sot	260
	Dje	188
	Këtë Javë	822
	Këtë Muaj	3038
	Në total	155815

LAJMET E FUNDIT

Shqipëria nënshkruan Konventën e KE në Strasbourg “Për parandalimin dhe luftën kundër dhunës ndaj grave dhe dhunës në familje- 19 Djetor 2011

Shqipëria nënshkruan Konventën e Këshillit të Europës “Për parandalimin dhe luftën kundër dhunës ndaj grave dhe dhunës në familje” dokument ligjor që përcakton një axhendë të re në lëvizjen në mbrojtje të të drejtave të grave. Në emër të Qeverisë shqiptare, Konventa u nënshkrua nga Ministri i Punës,Z.Spiro Ksera, ndërsa nga KE dokumenti u firmos nga Zv/Sekretarja e Pergjithshme e KE , një aktiviste e njohur etë drejtave të njeriut dhe promovuese e barazisë gjinore.Ministri deklaroi se qeveria shqiptare është angazhuar për t’ju bashkuar vendeve evropiane në parandalimin dhe eleminimin e çdo forme dhune ndaj grave dhe se Shqiperia po rishikon legjislacionin penal me qëllim ashpërsimin e dënimeve për dhunuesit.Gjithashtu konfirmoi se Konventa e Këshillit të Europës “Për parandalimin dhe luftën kundër dhunës ndaj grave dhe dhunës në familje” pritet të ratifikohet nga Kuvendi i Shqipërisë në fillim të 2012, duke e bërë atë pjesë të legjislacionit shqiptar.Ai theksoi se angazhimet dhe detyrimet që sjell kjo Konventë përbëjnë edhe një plan pune serioze për të ardhmen.Në këtë frymë vijnë edhe propozimet për kriminalizimin e dhunës në familje dhe forcimin e sanksioneve për dhunuesit.Këto propozime, Ministria e Punës i ka përcjellë për shqyrtim në komisionet parlamentare, ku po diskutohen edhe ndryshimet në Kodin Penal, për të ashpërsuar ligjet ndaj dhunuesit.

GAZETA ELEKTRONIKE