24-25 qershor 2009, Fillimi i ciklit të Trajnimeve në të gjithë vendin mbi Ligjin Nr.9970 “Për Barazinë Gjinore në Shqipëri” (BLGJ) dhe Konventën Për Eliminimin e të gjitha Formave të Diskriminimit Kundër Gruas (CEDAW) PDF Print E-mail
Trajnimi për Trajnerë (ToT) për LBGJ dhe CEDAW
Në 24-25 Qershor 2009 u organizua trajnimi për trajnerë për Ligjin “Për barazinë gjinore në shoqëri” (BLGJ) dhe Konventën për Eleminimin e të Gjitha Formave të Diskriminimit kundër Gruas (CEDAË). Ky trajnim u organizua nga DPSHB dhe u mbështet nga UNIFEM-i në kuadrin e “Planit vjetor të Punës (2008 – 2009) së MPÇSSHB–së – Për mbështetjen e zbatimit të Programit të Përbashkët të OKB-së për Barazinë Gjinore në Shqipëri”.

Aktiviteti-9-2009Qëllimi i këtij trajnimi ishte fokusimi në rritjen e aftësive të pjesëmarrësve në dy drejtime: a) të kuptuarit më mirë të CEDAW dhe LBGJ për një interpretim dhe zbatim të tyre si një përgjegjësi e re në çështjet e përkatësisë gjinore dhe kundër diskriminimit; b) përmirësimi i teknikave të trajnimit.

Përzgjedhja e pjesëmarrësve u realizua duke bashkëpunuar me projektin austriak “Barazi në Qeverisje”, në kuadrin e të cilit është realizuar krijimi dhe funksionimi i një skuadre trajnuesish për çështjet gjinore, të cilët gjatë vitit 2008 dhe 2009 kanë realizuar një numër të madh trajnimesh nëpër Bashkitë e vendit. Gjitashtu, një pjesë tjetër pjesëmarrësish janë përzgjedhur duke marrë në konsideratë përvojën e tyre në lidhje me çështjet e përkatësisë gjinore, përvojën si trajnues dhe shtrirjen gjeografike.

Metodologjia dhe teknika e trajnimit e përdorur nga trajnuesit ishte e alternuar në përputhje me objektivat specifike të trajnimit duke synuar:
  • Tërheqjen e vëmendjes së audiencës mbi rolin dhe rëndësinë e LBGJ dhe CEDAW;
  • Rritjen e interesit të pjesëmarrësve rreth çështjeve më specifike të LBGJ dhe CEDAW; dhe
  • Paraqitja e standardeve dhe koncepteve ndërkombëtare si interpretim i pjesëve të ndryshme të ligjit.
Aktiviteti-9-2009_2Gjatë trajnimit, nga ekspertët u zbatua një kombinim metodash trajnuese si: paneli – i cili u përdor për të kaluar informacionin nga eksperti në audiencë, dhe disa raporte të anëtarëve të panelit për vëzhgimet e tyre  si dhe mënyrën se si ata mendojnë të realizojnë aktivitetet e ardhshme në lidhje me zbatimin e LBGJ dhe CEDAW; Debati, diskutimi i hapur dhe diskutimet në grup të cilat u përqëndruan më shumë në lidhje me zbatimin e instrumentave ndërkombëtarë të ratifikuara nga Shqipëria, ku pjesëmarrësit nxorrën në pah vështirësitë e deritanishme të vëzhguara nga ana e tyre; Studimi i çështjes, ku në mënyrë direkte ose jo, ekspertët praktikuan ushtrime të ndryshme.

Trajnimi për Trajnerë (ToT) për LBGJ dhe CEDAW shënon fillimin e një cikli trajnimesh që DPSHB do të organizojë në të gjithë vendin me përfaqësues të:  institucioneve  shtetërore në nivel qendror dhe vendor, OJF-ve, sistemit gjyqësor, medias etj., për rritjen e ndërgjegjësimit të të gjithë aktorëve në drejtim të njohjes dhe të zbatimit të LBGJ dhe CEDAW si dokumenta të rëndësishëm në drejtim të arritjes së barazisë gjinore.
 

LINKE TE TJERA

KOMBET E BASHKUARA
KËSHILLI I EVROPËS
KOMISIONI EVROPIAN
MEKANIZMA NDERKOMBËTARE

POLITIKA KOMBËTARE

DOKUMENTAT POLITIKE KOMBËTARE PËR BARAZI GJINORE DHE DHUNËN NË FAMILJE
Strategjia Kombtare per Barazi Gjinore dhe Dhunen ne Familje

Dokumentat POLITIKE kombËtare pËr BGJ/DHF

Search

Numri i Vizitorëve

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterSot251
mod_vvisit_counterDje188
mod_vvisit_counterKëtë Javë813
mod_vvisit_counterKëtë Muaj3029
mod_vvisit_counterNë total155806
AlbanianEnglish (United Kingdom)

LAJMET E FUNDIT

Shqipëria nënshkruan Konventën e KE në Strasbourg “Për parandalimin dhe luftën kundër dhunës ndaj grave dhe dhunës në familje- 19 Djetor 2011
Shqipëria nënshkruan Konventën e Këshillit të Europës “Për parandalimin dhe luftën kundër dhunës  ndaj grave dhe dhunës në familje” dokument ligjor që përcakton  një axhendë të re në lëvizjen në mbrojtje  të të drejtave të grave. Në emër të Qeverisë shqiptare, Konventa u nënshkrua nga Ministri i Punës,Z.Spiro Ksera, ndërsa nga KE dokumenti u firmos nga Zv/Sekretarja e Pergjithshme e KE , një aktiviste e njohur etë drejtave të njeriut dhe promovuese e barazisë gjinore.Ministri deklaroi se qeveria shqiptare është angazhuar për t’ju bashkuar vendeve evropiane në parandalimin dhe eleminimin e çdo forme dhune ndaj grave dhe se Shqiperia po rishikon legjislacionin penal me qëllim ashpërsimin e dënimeve për dhunuesit.Gjithashtu konfirmoi se Konventa e Këshillit të Europës “Për parandalimin dhe luftën kundër dhunës ndaj grave dhe dhunës në familje” pritet të ratifikohet nga Kuvendi i Shqipërisë në fillim të 2012, duke e bërë atë pjesë të legjislacionit shqiptar.Ai theksoi se angazhimet dhe detyrimet që sjell kjo Konventë përbëjnë edhe një plan pune serioze për të ardhmen.Në këtë frymë vijnë edhe propozimet për kriminalizimin e dhunës në familje dhe forcimin e sanksioneve për dhunuesit.Këto propozime, Ministria e Punës i ka përcjellë për shqyrtim në komisionet parlamentare, ku po diskutohen edhe ndryshimet në Kodin Penal, për të ashpërsuar ligjet ndaj dhunuesit.

GAZETA ELEKTRONIKE

Abonohuni ne gazeten elektronike te DPSHB per tu informuar ne lidhje me te rejat me te fundit te institucionit tone.
denonco-dhunen ne familje