| 8 mars 2009, Dita ndërkombëtare e gruas – Progresi për Gratë është progres për Shqipërinë |
 |
 |
 |
|
Panel diskutimi “Progresi për Gratë është progres për Shqipërinë” Mbështetur nga UNFPA më datë 7 mars në ambjentet e Hotel Tirana International organizoi një Panel Diskutimi me temë “Progresi për Gratë është progres për Shqipërinë”, me pjesmarrjen e deputetëve, përfaqësuesve të institucioneve qëndrore, pikave fokale, të OJF-ve, medias, organizatave ndërkombëtare etj.  Qëllimi i këtij aktiviteti ishte garantimi i të drejtave të grave dhe vajzave, në përputhje me zbatimin e ligjeve, strategjive e aktiviteteve konkrete në këtë fushë.Fjalën e hapjes në seancën kryesore e mbajti Z. Anastas Duro, Ministër i Punës, Çështjeve Sociale dhe Shanseve të Barabarta i cili duke u ndalur në arritjet në fushën e barazisë gjinore dhe luftës kundër dhunës në familje theksoi në mënyrë të veçantë futjen e kuotës dhe falenderoi për mbështetjen organizatat ndërkombëtare në zbatim të objektivave të Strategjisë Kombëtare të Barazisë Gjinore dhe Dhunës në Familje. Në përfundim ai u shpreh se MPÇSSHB është e angazhuar maksimalisht për realizimin dhe përmbushjen në afatet e caktuara e me korrektësi të çështjeve të barazisë gjinore. Ky aktivitet u zhvillua më pas i konceptuar në tre tryeza diskutimi  Tryeza I -Gruaja dhe e drejta për përfaqësim në vendimmarrje ku u diskutua në mënyrë të veçantë për futjen e kuotës neutrale gjinore 30% dhe mekanizmat e zbatimit të saj në prag të zgjedhjeve parlamentare. Gjithashtu një vënd të veçantë pati lidhur me rolin e forumeve politike në respektimin e kuotës dhe inkurajimin e prurjeve të reja. Tryeza II - E drejta për mbrojtje sociale, shëndetësore dhe nga dhuna në familje. Pas tematikës së prezantuar diskutimet dhe debatete u përqëndruan në çështjet e dhunës në familje, zbatimi i kuadrit ligjor, ngritjes dhe mbështetjes me shërbime për viktimat e dhunës në familje e veçanërisht puna e bërë për ngritjen e strehëzës së parë kombëtare. Tryeza III- E drejta për punësim, aftësim profesional dhe biznes. Në këtë tryezë u vlerësuan nga pjesmarrësit politikat dhe arritjet e ministrisë dhe Inspektoriatit të Punës lidhur me çështjet e punësimit dhe kualifikimit profesional për gratë e kategoritë e veçanta të tyre. Një element i cili u diskutua si një mjet për fuqizimin ekonomik të gruas ishte edhe vendi që zënë gratë në inisiativat private. Përfaqësueset e OJF-ve që punojnë në zonën rurale shtruan nevojën e parjes me prioritet të grave rurale në punësim. Spoti televiziv për respektimin e të drejtave të grave dhe vajzave  Në kuadrin e 8 Marsit, Ditës Ndërkombëtare të Gruas Ministria e Punës, Çështjeve Sociale dhe Shanseve të Barabarta mbështetur nga OSBE realizoi dhe transmetoi në Televizionin Publik Shqiptar gjatë 1 jave spotin televiziv “Progresi për gruan, progres për Shqipërinë” i cili pati si qëllim dhënien e mesazheve në opinionin publik për garantimin e të drejtave të grave dhe vajzaveMinipanair Minipanairi i Librit 8 Mars 2009, i përgatitur në kuadër të 8 Marsit nga DPSHB, ishte një minipanair i organizuar me qëllim përkrahjen, nxitjen dhe inkurajimin e grave krijuese; poete, romanciere dhe botuese si dhe e veprave të tyre. Në të morën pjesë autore të njohura si: Vojsava Nelo, Flutura Açka, Rita Filipi, Evis Qaja, Meri Lalaj, Adriatike Lami dhe Zenepe Dibra. Në këtë panair u ekspozuan edhe materiale të OJF-ve si: fletë-palosje, revista, buletine, në të cilat përfshiheshin kryesisht materiale që kanë të bëjnë me problemet e grave dhe vajzave, barazise gjinore dhe dhunen në familje, etj.DPSHB u paraqit me buletinin Nr.3, buletin që iu shpërnda të pranishmëve. |
POLITIKA KOMBËTARE
DOKUMENTAT POLITIKE KOMBËTARE PËR BARAZI GJINORE DHE DHUNËN NË FAMILJEStrategjia Kombtare per Barazi Gjinore dhe Dhunen ne Familje
Search
Numri i Vizitorëve
 | Sot | 27 |
 | Dje | 157 |
 | Këtë Javë | 1001 |
 | Këtë Muaj | 1828 |
 | Në total | 140661 |
LAJMET E FUNDIT
GAZETA ELEKTRONIKE
Copyright © 2007 - 2012 DPSHB. | Faqja u Ndertua nga Info Trade Shpk | Mbeshtetur nga Austrian Development Cooperation 