Takim me studentët e Departamentit të Sociologjisë në Fakultetin e Shkencave Sociale

Sektori “Për masa ndaj dhunës në marrëdhëniet familjare” DPSHB, zhvilloi një takim me studentët e Universitetit të Tiranës, Departamenti i Sociologjisë, ku u trajtua tema me karakter edukativ dhe psikologjik: “Dhuna nuk është çështje kulture, ajo është çështje krimi”.

Takimi u realizua në kuadër të punës së DPSHB-së në zbatim të Ligjit Nr. 9669, dt.18.12.2006, “Për masa ndaj dhunës në marrëdhëniet familjare” si dhe të Strategjisë Kombëtare për Barazinë Gjinore dhe kundër Dhunës në Familje, në të cilën nënvizohet që “të edukohen fëmijët dhe të rinjtë dhe shoqëria në përgjithësi që dhuna në familje është e papranueshme dhe të aftësohen të bëjnë zgjedhje të mirëinformuara”.

Zhvillimi i këtij takimi u realizua gjithashtu edhe në detyrim të “Marrëveshjes së
Bashkëpunimit për Zbatimin e Ligjit nr. 9669, dt.18.12.2006 (i ndryshuar) ndërmjet
MPÇSSHB-së, MASH, MB, MD, MSH”, në nenin 7 të të cilit, në detyrimet e Ministrisë së Arsimit dhe Shkencës, nënvizohet:
“Ministria e Arsimit dhe Shkencës, si Autoriteti Përgjegjës i linjës për zbatimin e Ligjit nr. 9669, datë 18.12.2006 ‘Për masa ndaj dhunës në marrëdhëniet familjare’ (i ndryshuar), nëpërmjet strukturave të saj angazhohet që të orientojë që në Fakultetin e Shkencave Sociale dhe në të gjitha fakultetet e mësuesisë, të arsimit të lartë publik dhe privat, që trajtimi i problemit të dhunës në përgjithësi dhe i dhunës në familje në veçanti, të bëhet pjesë e kurrikulave të tyre, nëpërmjet moduleve apo të ashtuquajturve cikle leksionesh”.
Qëllimi i këtij takimi lidhej me ndërgjegjësimin e studentëve mbi pasojat që lindin nga ushtrimi i dhunës në marrëdhëniet familjare dhe që e shqetësojnë seriozisht shoqërinë dhe qeverinë shqiptare, të bindur se ndërgjegjësimi, është një ndër mënyrat më efikase të punës dhe përpjekjeve të përbashkëta për ta luftuar dhunën.
Metodologjia e përdorur bëri të mundur që studentët, të ishin jo vetëm objekt, por edhe subjekt i temës që u trajtua, pasi studentët të sotëm do të jenë sociologët e nesërm, dhe për rrjedhojë dhuna dhe problemet e saj, do të jenë një nga fokuset e punës së tyre.
Në diskutimet dhe pyetjet e ngritura, studentët propozuan se aktivitete apo takime të kësaj natyre të mund të zhvilloheshin më shpesh për efektin ndërgjegjësues dhe informues që kanë.

Në përfundim të takimit studentëve iu shpërndanë materiale të DPSHB-së si buletinë, (botim i DPSHB-së, fletë-palosje “Mbroni veten tuaj nga dhuna në familje”, poster: “Mbroni veten tuaj nga dhuna në familje”, manualin “Si të kërkojmë mbrojtje nga dhuna në familje” me përmbajtjen e Ligjit Nr.9669, dt.18.12.2006, si dhe botimin: “ Ligji për Barazinë Gjinore”.

LINKE TE TJERA

KOMBET E BASHKUARA
KËSHILLI I EVROPËS
KOMISIONI EVROPIAN
MEKANIZMA NDERKOMBËTARE

POLITIKA KOMBËTARE

DOKUMENTAT POLITIKE KOMBËTARE PËR BARAZI GJINORE DHE DHUNËN NË FAMILJE
Strategjia Kombtare per Barazi Gjinore dhe Dhunen ne Familje

Dokumentat POLITIKE kombËtare pËr BGJ/DHF

Search

Numri i Vizitorëve

	Sot	26
	Dje	157
	Këtë Javë	1000
	Këtë Muaj	1827
	Në total	140660

AKTIVITETET

LAJMET E FUNDIT

Shqipëria nënshkruan Konventën e KE në Strasbourg “Për parandalimin dhe luftën kundër dhunës ndaj grave dhe dhunës në familje- 19 Djetor 2011

Shqipëria nënshkruan Konventën e Këshillit të Europës “Për parandalimin dhe luftën kundër dhunës ndaj grave dhe dhunës në familje” dokument ligjor që përcakton një axhendë të re në lëvizjen në mbrojtje të të drejtave të grave. Në emër të Qeverisë shqiptare, Konventa u nënshkrua nga Ministri i Punës,Z.Spiro Ksera, ndërsa nga KE dokumenti u firmos nga Zv/Sekretarja e Pergjithshme e KE , një aktiviste e njohur etë drejtave të njeriut dhe promovuese e barazisë gjinore.Ministri deklaroi se qeveria shqiptare është angazhuar për t’ju bashkuar vendeve evropiane në parandalimin dhe eleminimin e çdo forme dhune ndaj grave dhe se Shqiperia po rishikon legjislacionin penal me qëllim ashpërsimin e dënimeve për dhunuesit.Gjithashtu konfirmoi se Konventa e Këshillit të Europës “Për parandalimin dhe luftën kundër dhunës ndaj grave dhe dhunës në familje” pritet të ratifikohet nga Kuvendi i Shqipërisë në fillim të 2012, duke e bërë atë pjesë të legjislacionit shqiptar.Ai theksoi se angazhimet dhe detyrimet që sjell kjo Konventë përbëjnë edhe një plan pune serioze për të ardhmen.Në këtë frymë vijnë edhe propozimet për kriminalizimin e dhunës në familje dhe forcimin e sanksioneve për dhunuesit.Këto propozime, Ministria e Punës i ka përcjellë për shqyrtim në komisionet parlamentare, ku po diskutohen edhe ndryshimet në Kodin Penal, për të ashpërsuar ligjet ndaj dhunuesit.