Përfaqësues të Pushtetit Vendor Gramsh, Kamëz, Librazhd, Rubik, Shkodër, Kukës, Koplik, marrin trajnim bazë për çeshtjet Gjinore. Rrjeti Kombëtar Vendor i Nënpunësve Gjinorë përballësfidës së Integrimit Gjinor në Nivel Vendor

Trajnim mbi çështjet gjinore i nivelit bazë për përfaqësues të pushtetit vendor ne bashkite :Gramsh, Kamëz, Librazhd, Lezhe, Rubik, Shkodër, Kukës, Koplik.
Në kuadër të projektit Austriak “ Barazi Gjinore në Qeverisje” u organizuan trajnimet 2-ditore “ Konceptet bazë të përkatësisë gjinore për qeverisjen lokale” në disa bashki pilot.

Bashkia Gramsh 8-9 Janar 2009
Bashkia Kamëz 15- 16 Janar 2009
Bashkia Librazhd 19- 20 Janar 2009
Bashkia Lezhë 22- 23 Janar 2009
Bashkia Rubik 29- 30 Janar 2009
Bashkia Kukës 17- 18 Shkurt 2009
Bashkia Koplik 27-28 Shkurt 2009
Bashkia Klos 5-6 Mars 2009
Bashkia Krujë 12-13 Mars 2009
Bashkia Shkodër 19- 20 Mars 2009

Pjesëmarrësit ishin nga sektorë të ndryshëm të bashkisë si:sektori i shërbimeve sociale, planifikim-zhvillimi, financa, juristë, shëndetësia, arsimi, përfaqësues nga policia, si dhe përfaqësues nga OJF, etj.
Qëllimi : Tainimi i pjesmarrësve me problemet e përkatësisë gjinore dhe ndërtimi i kapaciteteve për përfshirjen e këtyre çështjeve ne qeverisjen vendore duke përfshirë vendimmarrjen dhe analizën Gender
Objektivat e Trainimit:

Të shtojë njohuritë e pjesmarrësve për konceptet e përkatësisë gjinore, barazinë gjinore dhe qeverisjen e barabartë në nivel vendor sipas përkatësisë gjinore
Të pajisë pjesmarrësit me aftësi të nevojshme për përfshirjen e tyre në të ardhmen në aktivitete që i përkasin implementimit të SKBGJ/DHF 2007-2010 d.m.th.analizë të përkatësisë gjinore, planifikimi sipas përkatësisë gjinore, monitorimi dhe raportimi specifik sipas përkatësisë gjinore, mbajtja e statistikave sipas përkatësisë gjinore, buxhetimi sipas përkatësisë gjinore.
Të ndërtojë kapacitete tek pjesmarrësit për përfshirjen në një qeverisje të barabartë

sipas përkatësisë gjinore.
Temat e trajtuara:

Përkatësia gjinore, rolet gjinore, steriotipet gjinore
Integrimi gjinor
Kuadri ligjor shqiptar dhe ndërkombëtar i lidhur me barazinë gjinore.

Pjesmarrësit treguan interes në atë pjesë të trainimit që shpjegonte Strukturën Ligjore Kombëtare dhe Ndërkombëtare, Konventat, Ligjin e Dhunës në Familje, CEDAW, Ligji për Barazinë Gjinore në Shoqëri. Diskutime pati në lidhje me vendosjen e kuotës 30% për rritjen e përfaqësimit të grave në vendimmarrje.
Impakti:

Përgjegjësitë e qeverisjes lokale për implementimin e politikave dhe strategjive që i përkasin barazisë gjinore për krijimin një platformë efektive të burrave dhe grave në nivel lokal të cilët do të jenë të aftë të veprojnë për ti dhënë një vizion të ri zhvillimit të rajonit të tyre.

5-7 shkurt 2009, Trajnim për Trajnerë i nivelit bazë për përkatësinë gjinore me përfaqësues të nivelit vendor.
Nga data 5-7 Shkurt 2009, në Tiranë u zhvillua trajnimi i trajnerëve Çështjet gjinore - Trajnim i nivelit bazë për përfaqësues të pushtetit vendor”. Trainimi u drejtua nga projekti Austriak Barazi në Qeversije (BnQ) në Tiranë
Qëllimi i këtij trajnimi ishte të familjarizonte pjesëmarrësit me materialet specifike të trainimit BnQ dhe të ndërtonte një ekip ekspertësh të cilët do të mbajnë trainimet respektive të bashkive në vend.
Në këtë trajnim merrnin pjesë 12 pjesmarrës 8 nga Tirana dhe 4 nga rrethet.Pjesmarrësit ishin nga OJF-të, një PFGJ e bashkisë, një ekspert gjinor i pavarur, dhe 2 pedagog që punonin në arsimin e lartë. Të gjithë pjesëmarrësit kanë qënë të njohur më përpara me çështjet gjinore; dhe disa kanë qënë aktivisht të anagazhuar në fushën akademike, qeveritare ose në atë të OJF-ve. Në këtë trajnim u shkëmbyen eksperienca të ekspertëve më të vjetër me kolegët e tyre më të rinj, në lidhje me krijimin e njohurive rreth historisë së grave dhe politikave gjinore në vend.
Veç axhendës standarte, u prezantuan sesione specifike të ToT si ”Konceptimi i Fuqisë”, “Të mësuarit në moshë të rritur (adult learning)”, “Monitorimi i performancës së qeverisjes lokale nëpërmjet indikatorëve”, dhe “Hyrje në Makro-ekonomi – një prespektivë gjinore”. I gjithë trainimi u karakterizua nga atmosfere e fuqishme dhe bashkëvepruese e punës në grup, dhe balanca ndërmjet teorisë dhe ushtrimeve praktike u vlerësua shumë.
Pjesmarrësit në trainim zhvilluan plane të projekteve konkrete për arritjen e objektivave të Strategjisë Kombëtare të Barazisë Gjinore dhe Dhunës në Familje. Propozimet u fokusuan mbi pjesmarrjen e grave në strukturat vendim marrëse, akses të barabartë në arsim, dhe përfaqësimi politik i grave në nivel lokal.
Pjesëmarrës të ndryshëm përmendën që njohuritë e marra do t’i përdornin jo vetëm si potencial për trainerë të ardhshëm, por edhe në vendet e tyre të punës edhe në jetën e tyre private.

LINKE TE TJERA

KOMBET E BASHKUARA
KËSHILLI I EVROPËS
KOMISIONI EVROPIAN
MEKANIZMA NDERKOMBËTARE

POLITIKA KOMBËTARE

DOKUMENTAT POLITIKE KOMBËTARE PËR BARAZI GJINORE DHE DHUNËN NË FAMILJE
Strategjia Kombtare per Barazi Gjinore dhe Dhunen ne Familje

Dokumentat POLITIKE kombËtare pËr BGJ/DHF

Search

Numri i Vizitorëve

	Sot	34
	Dje	157
	Këtë Javë	1008
	Këtë Muaj	1835
	Në total	140668

AKTIVITETET

LAJMET E FUNDIT

Shqipëria nënshkruan Konventën e KE në Strasbourg “Për parandalimin dhe luftën kundër dhunës ndaj grave dhe dhunës në familje- 19 Djetor 2011

Shqipëria nënshkruan Konventën e Këshillit të Europës “Për parandalimin dhe luftën kundër dhunës ndaj grave dhe dhunës në familje” dokument ligjor që përcakton një axhendë të re në lëvizjen në mbrojtje të të drejtave të grave. Në emër të Qeverisë shqiptare, Konventa u nënshkrua nga Ministri i Punës,Z.Spiro Ksera, ndërsa nga KE dokumenti u firmos nga Zv/Sekretarja e Pergjithshme e KE , një aktiviste e njohur etë drejtave të njeriut dhe promovuese e barazisë gjinore.Ministri deklaroi se qeveria shqiptare është angazhuar për t’ju bashkuar vendeve evropiane në parandalimin dhe eleminimin e çdo forme dhune ndaj grave dhe se Shqiperia po rishikon legjislacionin penal me qëllim ashpërsimin e dënimeve për dhunuesit.Gjithashtu konfirmoi se Konventa e Këshillit të Europës “Për parandalimin dhe luftën kundër dhunës ndaj grave dhe dhunës në familje” pritet të ratifikohet nga Kuvendi i Shqipërisë në fillim të 2012, duke e bërë atë pjesë të legjislacionit shqiptar.Ai theksoi se angazhimet dhe detyrimet që sjell kjo Konventë përbëjnë edhe një plan pune serioze për të ardhmen.Në këtë frymë vijnë edhe propozimet për kriminalizimin e dhunës në familje dhe forcimin e sanksioneve për dhunuesit.Këto propozime, Ministria e Punës i ka përcjellë për shqyrtim në komisionet parlamentare, ku po diskutohen edhe ndryshimet në Kodin Penal, për të ashpërsuar ligjet ndaj dhunuesit.