Aktivitetet e Vitit 2008

8 Mars 2008, Aktiviteti “Progresi është me mua , Bashkohu edhe ti”

Në 8 Mars - Dita Ndërkombëtare e gruas, u organizua veprimtaria sensibilizuese ndërgjegjësuese: “Progresi është me mua, bashkohu edhe ti”. Gjate javës së parë të marsit u realizua dhe u transmetua spoti televiziv -Dhënie mesazhesh për të drejtat e grave dhe vajzave si pjesë e të drejtave të njeriut.
Read more...

1 Korrik 2008, Takimi përmbyllës i Fushatës sensibilizuese kundër dhunës në familje.

Në 1 Korrik 2008 u zhvillua në Tiranë tryeza e rrumbullakët “Për një shoqëri të barabartë dhe pa dhunë”, e cila shënoi edhe mbylljen e fushatës sensibilizuese kundër dhunës në familje.
Qëllimi: Njohja e pjesëmarrësve me Ligjin 9669, zbatimin në praktikë të tij për rreth një vit pas hyrjes në fuqi, impaktet si dhe problemet që kishin dalë gjatë zbatimit të këtij ligji, si edhe me vlerësimet e rekomandimet e dhëna nga Këshilli i Europës në përfundim të Fushatës së Këshillit të Europës Kundër dhunës në familje.

Prill – Qershor 2008, Fushatë kombëtare për njohjen e detyrimeve të Strategjisë Kombëtare të PAK nga institucionet përgjegjëse

“Hartimi i Planit Vendor të Veprimit në mbështetje të zbatimit
të Strategjisë Kombëtare të Personave me Aftësi të Kufizuara”

Në periudhën Prill – Qershor 2008, FSHDPAK Drejtoria e Politikave të Shanseve të Barabarta, në bashkëpunim me FSHDPAK, me mbështetjen e Agjensisë së Shteteve të Bashkuara për Zhvillim Ndërkombëtar ( USAID ), organizuan në kuadër të fushatës kombëtare për njohjen e SKPAK, një cikël seminaresh me temë : “Hartimi i Planit Vendor të Veprimit në mbështetje të zbatimit të Strategjisë Kombëtare të Personave me Aftësi të Kufizuara”.

8-10 Shtator 2008, Së bashku për një Europë për fëmijët

Në datat 8-10 Shtator 2008 në Stokholm u mbajt Konferenca e nivelit të lartë me temë: “Mbrojtje, kuadro ligjore dhe pjesëmarrje e fëmijëve në proceset vendimmarrëse në Evropë”, me ftesë të Znj. Maud de Boer-Buquicchio, Nënsekretare e Përgjithshme e Këshillit të Evropës dhe të Z. Goran Hagglund, Ministër i Shëndetësisë dhe Çështjeve Sociale të Suedisë. Delegacioni shqiptar kryesohej nga Ministri i Punës, Çështjeve Sociale dhe Shanseve të Barabarta Z. Koço Barka.