|
27 nëntor 2008, Hartimi i paketës së akteve nënligjore të Ligjit Nr. 9970, datë 24.07.2008 “Për barazinë gjinore në shoqëri” |
 |
 |
 |
Për zbatimin e Ligjit Nr. 9970 datë 24.07.2008 “Për barazinë gjinore në shoqëri” me inisiativën e MPÇSSHB mbështetur nga PNUD është punuar nën drejtimin e Drejtorisë së Politikave të Shanseve të Barabarta dhe Drejtorisë Juridike për hartimin e akteve nënligjore të këtij Ligji. Aktet nënligjore të hartuara kanë synuar të ngrenë strukturat e reja të parashikura në ligj si Këshilli Kombëtar i Barazisë Gjinore, duke përcaktuar qartë edhe mënyrën e funksionimit të tij si një organ këshillimor për drejtimin, përcaktimin dhe zhvillimin e politikave për barazinë gjinore në Shqipëri.
 Detyrimi ligjor për emërimin e nënpunësve gjinorë në Ministritë dhe Pushtetin Vendor është një drejtim tjetër për të cilin po punohet duke përcaktuar Termat e Referencës për këta punonjës. Paketa e akteve nënligjore u diskutua edhe në një tryezë të rrumbullakët të mbështetur nga OSBE-ja ku përfaqësues të ministrive të linjës dhe të organizatave ndërkombëtare të ftuara dhanë mendimet e sugjerimet e tyre, të cilat u reflektuan në draftet përfundimtare. Tryeza e mbajtur më 27 nëntor 2008 u drejtua nga Zëvendësministrja e Punës, Çështjeve Sociale dhe Shanseve të Barabarta, Znj. Marieta Zaçe, e cila vlerësoi punën e bërë si dhe bashkëpunimin midis shtetit dhe organizatave ndërkombëtare. |
