|
1-2 Dhjetor 2008, Takimi i grupit të punës për moshimin, Gjenevë. |
 |
 |
 |
Mbledhja e parë e grupit të punës për Moshimin u zhvillua në 1-2 Dhjetor 2008 në Gjenevë. Në këtë takim morën pjesë përfaqësues të 38 vendeve anëtare të Komisionit Ekonomik të Kombeve të Bashkuara për Evropën (UNECE), të Komisionit Evropian, 10 organizatave joqeveriatre, të organizatave ndërkombëtare si: UNFPA, ECV, INIA, OECD,etj.
 Në pjesën e parë të takimit, pas prezantimit nga përfaqësues të UNECE/Njësia për Popullsinë u miratua axhenda e takimit, si dhe u zgjodh sekretariati i grupit të punës dhe kryetari i këtij sekretariati.
Më pas Sekretariati informoi grupin e punës rreth termave të references dhe hapat që do të drejtojnë këtë grup pune dhe prezantoi një përmbledhje të shkurtër të aktiviteteve të realizuara për Moshimin që nga Konferenca Ministeriale e Leon (Spanjë) si dhe programin e punës 2009-2010, qëllimi i të cilit është mbështetja e zbatimit të Strategjisë Rajonale për Planin e Veprimit të Madritit për Moshimin si dhe Deklaratën Ministeriale të Leonit.
Programi i punës përfshinte 4 komponentë:
- Monitorimi: zhvillimi i indikatorëve, mbledhje e të dhënave dhe shpërndarja e informacionit.Pas prezantimit nga Qendra Evropiane e Vjenës (ECV) të propozimit rreth aktiviteve të monitorimit që përfshinte zhvillimin e mëtejshëm të indikatorëve , grupi i punës vendosi : 1) mirëmbajtjen dhe zhvillimin e mëtejshëm të web-site për monitorimin e Strategjisë Rajonale për Moshimin www.monitoringRIS.org si një platformë për shkëmbimin e eksperiencave dhe shpërndarjen e rezultateve të monitorimit; 2) të iniciohet bashkëpunimi me Konferencën e Staticientëve Evropianë për të koordinuar të dhënat; 3) të zhvillohen indikatorët në çështjet gjinore dhe për kujdesin afatgjatë etj.
- Përmbledhje politikash me shembujt e praktikave më të mira.Sekretariati shpjegoi konceptet e përmbledhjes së politikave dhe përfaqësues nga Shqipëria, Belgjika dhe Franca prezantuan shembujt e praktikave më të mira në lidhje me përfshirjen (gendermainstreaming) gjinore dhe moshore. Pas diskutimeve të të gjithë anëtarëve të grupit të punës u vendosen këto çështje për politikat: përfshirja (mainstreaming ) moshore , çështjet gjinore, promovimi i shëndetit dhe parandalimi i sëmundjeve dhe aksidenteve, kujdesi afatgjatë, pjesëmarrja, personat e moshuar si konsumatorë, adoptimi i sistemit të mbrojtjes sociale.
- Zhvillimi i kapaciteteve.Sekretariati prezantoi propozimin për një workshop për zhvillimin e kapaciteteve që do të organizohet në gjysmën e dytë të 2009, si dhe për përgatitjen e hartave të vendit për përfshirjen (mainstreaming) moshore. Përfaqësues të UNDESA, UNFPA dhe INIA informuan grupin e punës rreth mbështetjes së aktiviteteve të tilla nga ana e tyre.
- Analiza e marrëdhënive ndërbrezore.Sekretariati prezantoi një përmbledhje për analizat e krahasueshme në lidhje me marrëdhëniet ndërbrezore në kontekste të ndryshme kulturore dhe të politikave, bazuar në projektet kërkimore dhe në përdorimin e të dhënave të mbledhura nëpërmjet Programit Gjinor dhe të Brezave të UNECE1-2 Dhjetor 2008, Takimi i grupit të punës për moshimin, Gjenevë.
Në fund të takimit kryetari i grupit të punës bëri një përmbledhje të vendimeve të takimit të grupit të parë të punës për moshimin. Takimi i dytë u vendos që të zhvillohet në 23-24 nëntor 2009 dhe takimi i tretë në 22-23 nëntor 2010. |
